جی ٹی وی نیٹ ورک
انٹرٹینمنٹ

میرے صبر کا پیمانہ اب لبریز ہوگیا : مہوش حیات الزامات پر پھٹ پڑیں

مہوش حیات الزامات پر

کراچی : یوٹیوبر میجر ریٹائرڈ عادل فاروق راجا کی جانب سے لگائے گئے الزامات پر معروف اداکارہ مہوش حیات کا کہنا ہے کہ اب میرا صبر کا پیمانہ لبریز ہوگیا ہے۔

اداکارہ مہوش حیات اور وکیل خواجہ نوید نے عدالت کے باہر میڈیا سے گفتگو کی جس دوران اداکارہ نے کہا کہ جوباتیں پھیلائی جارہی ہیں اس سے میں اور میر اخاندان ذہنی اذیت سےگزر رہے ہیں۔

مہوش حیات کا کہنا تھا کہ خواتین کی عزت کرنا سب کی ذمہ داری ہے،کسی کے خلاف منفی مہم چلانا جرم ہے، سوشل میڈیا پر ان چیزوں کو آگے پھیلانےوالے بھی اس جرم کےمرتکب ہیں یہ غیر اخلاقی حرکت ہے اس پر سخت ایکشن لینا چاہیے۔

اداکارہ مہوش حیات نے کہا کہ دنیا بھر میں آرٹسٹوں کی قدرکی جاتی ہے لیکن بیمارذہنیت کے لوگوں کا مشغلہ آرٹسٹوں کی بےعزتی کرنا ہے، سوشل میڈیا پربیمار ذہنیت کے لوگ موجود ہیں، عام لوگ بھی غلط افواہوں پر بنا سوچے سمجھے یقین کر لیتے ہیں، مجھے عدلیہ سے انصاف کی امید ہے۔

واضح رہے کہ اداکارہ مہوش حیات نے یوٹیوبر عادل راجا کے خلاف سندھ ہائیکورٹ میں درخواست دائرکی جس پر سماعت کرتے ہوئے سندھ ہائیکورٹ نے مہوش حیات کے خلاف سوشل میڈیا پر موجود مواد ہٹانے کا حکم دے دیاہے۔

متعلقہ خبریں