ٹھٹھہ اسپتال میں ہیپاٹائٹس کی دوائیں موجود نہیں

سندھ: حکومت کی عدم توجہ سے ڈی ایچ کیو اسپتال ٹھٹھہ میں ہیپا ٹائٹس کی دوائیں ہی موجود نہیں، غریب عوام پرائیویٹ کلینکس سے مہنگا علاج کرانے پر مجبور ہیں۔

سائیں سرکار نے ٹھٹھہ کے اسپتالوں کو نام نہاد این جی اوز کے حوالے کردیا ہے۔ سالانہ اربوں روپے کی بجٹ جاری ہونے کے باوجود ان اسپتالوں میں کسی بھی قسم کی بہتری دکھائی نہیں دیتی۔

ڈی ایچ کیو اسپتال ٹھٹھہ میں ہیپاٹائٹس کی دوائیں نایاب ہیں۔ اسپتال میں آئے دن مریضوں کی ہلاکت کا سلسلہ بھی تیز ہوچکا ہے۔

سرکاری اسپتالوں کی غفلت لاپرواہی کی صورتحال سے واقف ہونے کے باوجود بھی سندھ کے محکمہ صحت نے اپنی آنکھیں بند کر رکھی ہیں۔