روالپنڈی : پاک فوج کے ترجمان کا کہنا ہے کہ شمالی وزیرستان کے علاقے ایشام میں دو دہشت گردوں کو ہلاک کردیا گیا۔
پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان کے علاقے ایشام میں دہشت گردوں اور سیکیورٹی فورسز کے درمیان فائرنگ کا تبادلہ ہوا، جس کے نتیجے میں دو دہشت گرد مارے گئے۔
یہ بھی پڑھیں : سوال یہ ہے کہ دہشت گردوں کو دوبارہ کون لیکر آیا؟ کس نے کہا جہادی دوست ہیں؟ وزیر اعظم
ہلاک دہشت گردوں سے اسلحہ اور گولہ بارود بھی برآمد کیا گیا، جو سیکورٹی فورسز کے خلاف کارروائیوں میں سرگرم رہے۔
ترجمان کا کہنا ہے کہ یہ واقعہ پاک فوج کے ملک میں دہشت گردی کے خلاف زیرو ٹالرنس کے عزم کی تصدیق کرتا ہے۔ پاک فوج نے ملک سے دہشتگردی کے مکمل خاتمے کے عزم کا اظہار کیا ہے۔