جی ٹی وی نیٹ ورک
اہم خبریں

سندھ کے سیلاب متاثرہ شخص کی اپیل پر آرمی چیف نے امدادی سامان بھجوادیا

سیلاب متاثرہ

اسلام آباد : قمبر شہداد کوٹ کے سیلاب متاثرہ جانب گل محمد کی پکار پر فوج کی جانب سے پورے گاؤں فتح علی بلیدی کی مدد ہوگئی۔

ضلع قمبر شہداد کوٹ کے گاؤں فتح علی بلیدی کے سیلاب متاثرہ جانب گل نے ویڈیو پیغام کے ذریعے آرمی چیف سے مدد کی اپیل کی تھی، جس پر آرمی چیف جنرل قمر جاوید باجوہ نے فوری مدد کا حکم دیا۔

یہ بھی پڑھیں : چین کی سیلاب متاثرین کیلئے پانچ لاکھ ڈالر اور کراچی کی تعمیر کیلئے ایک لاکھ ڈالر کی امداد

پاکستان فوج کے جوان امدادی سامان لے کر پہنچ گئے، جس میں گاؤں کے 200 افراد کیلئے گرم ملبوسات، 50 ٹینٹ، 100 راشن بیگ اور 50 کمبل شامل تھے۔ جوانوں نے سامان کو تقسیم کیا۔

گاؤں میں میڈیکل کیمپ کا بھی انعقاد کیا گیا، جس میں ماہرین نے 121 افراد کا چیک اپ کیا اور ادویات بھی فراہم کیں۔

متعلقہ خبریں