اسلام آباد : سپریم کورٹ نے پرویز مشرف حملہ کیس کے مجرم کی رہائی کا ہائیکورٹ کا فیصلہ برقرار رکھتے ہوئے وفاق اور پنجاب کی اپیلیں خارج کردیں۔
سپریم کورٹ کے معزز جج جسٹس سردار طارق مسعود کی سربراہی میں تین رکنی بینچ نے پرویز مشرف حملہ کیس کے ملزم کی رہائی کیخلاف وفاق اور پنجاب کی اپیلیں مسترد کردی۔
یہ بھی پڑھیں : سابق صدر پرویز مشرف کی تکلیف دہ تصویر پر عوام کا اظہار تشویش
ملزمان کے وکیل نے دلائل دیئے کہ رانا تنویر کی عمر قید کی سزا پوری ہو چکی ہے، اس کے باوجود رہا نہیں کیا جارہا ہے۔ عمر قید کی مدت 14 سال ہے، میرے موکل کو جیل میں قید تقریباً 20 سال ہو چکے ہیں۔
عدالت نے دونوں جانب کے دلائل سننے کے بعد فیصلہ سنا دیا۔ رانا تنویر کو 31 دسمبر 2003 حملے کے الزام پر 2005 میں سپریم کورٹ نے عمر قید کی سزا سنائی تھی۔