جی ٹی وی نیٹ ورک
کھیل

پاک زمبابوے سیریز؛ شاداب خان پہلے ٹی 20 میچ میں شرکت نہیں کریں گے

شاداب

لاہور: قومی ٹیم کے آل راؤنڈر شاداب خان زمبابوے کے خلاف پہلے ٹی ٹونٹی انٹرنیشنل میچ میں شرکت نہیں کریں گے۔

پاکستان کرکٹ بورڈ کی جانب سے قومی ٹیم کے لیگ اسپنر شاداب خان کو زمبابوے کے خلاف سیریز کے لیے نائب کپتان کی ذمہ داری دی گئی تھی تاہم وہ انجری کے باعث ایک روزہ سیریز کے لیے دستیاب نہیں تھے اور اب کہا جارہا ہے کہ وہ پہلے ٹی ٹوئنٹی میں بھی شرکت نہیں کرسکیں گے۔

زمبابوے کے خلاف سیریز سے پہلے انجری کا شکار ہونے والے شاداب خان بائیں ٹانگ میں کھچاؤ محسوس کررہے تھے تاہم اب ان کی انجری میں بہتری آرہی ہے لیکن انہیں مینجمنٹ نے انہیں مزید آرام دینے کا فیصلہ کیا ہے البتہ سیریز کے آئندہ دونوں ٹی ٹوئنٹی میچوں میں شاداب خان کی شرکت کا فیصلہ بعد میں کیا جائے گا۔

متعلقہ خبریں