جی ٹی وی نیٹ ورک
دنیا

پاکستان کی مشہور خاتون شیف فاطمہ علی امریکا میں انتقال کرگئیں

پاکستان کی مشہور خاتون شیف فاطمہ علی کینسر کے خلاف جنگ میں زندگی کی بازی ہار گئیں۔
 


 
امریکی فوڈ نیٹ ورک کا ٹی وی شو ’چوپڈ‘ جیتنے والی پہلی پاکستانی خاتون شیف ہڈیوں کے کینسر میں مبتلا تھیں.


امریکا کے مشہور شو ٹاپ شیف میں شرکت سے شہرت حاصل کرنے والی فاطمہ علی کو دو سال قبل ڈاکٹرز نے ہڈیوں ہڈی کے کینسر کی ایک قسم ایوئنگ سارکوما کی تشخیص کی تھی۔


گزشتہ سال نومبر میں انہوں نے معروف امریکی کامیڈین ایلن ڈی جینرس کے شو دی ایلن شو میں شرکت کرتے ہوئے خواہش ظاہر کی تھی کہ وہ ایک سال میں دنیا بھر میں گھومنے کے ساتھ ہر جگہ کے پکوان سے لطف اندوز ہونا چاہتی ہیں۔
فاطمہ علی کے دوستوں نے ان کا خواب پورا کرنے کے لیے ’گو فنڈ می‘ نامی پیج بھی بنایا. تاہم ایلن نے انہیں سرپرائز کے طور پر 50 ہزار ڈالر کا چیک دے کر حیران کردیا تھا.
موت سے 2 ہفتے قبل انسٹاگرام پر اپنی آخری پوسٹ میں فاطمہ علی نے لکھا ‘میں بیمار ہوں اور بدقسمتی سے اور زیادہ بیمار ہوچکی ہوں، اس وقت مجھے دعاﺅں کی ضرورت ہے، اگر میں نے کسی کو تکلیف پہنچائی ہو تو وہ مجھے معاف کردے گا۔
گزشتہ روز باہمت خاتون کینسر سے لڑتے ہوئے 29 سال کی عمر میں زندگی کی جنگ ہار گئیں ۔۔

متعلقہ خبریں