جی ٹی وی نیٹ ورک
کھیل

پہلے کپتان کی شادی کراؤ پھر میں کروں گا شادی ، امام الحق کی عجیب شرط 

امام الحق شرط

 پاکستانی ٹیم کے بلے باز امام الحق نے اپنی شادی سے پہلے قومی ٹیم کے کپتان بابراعظم کی شادی کی شرط رکھ دی۔

پاکستانی ٹیم کے اوپنر بلے باز امام الحق نے اپنے ایک بیان میں کہا کہ انہیں ابھی تک کسی سے محبت نہیں ہوئی اور دعا ہے کہ ہو بھی نہ، شادی کے بارے میں ابھی کچھ سوچا نہیں تاہم وعدہ رہا کہ پہلے کپتان بابر اعظم کی شادی ہو گی پھر میں شادی کروں گا۔

اوپنرنے کہا کہ ہوسکتا ہے ایک سال سے ڈیڑھ سال تک شادی کرلوں لیکن ابھی ساری توجہ کرکٹ پر مرکوز ہے، کرکٹ پاکستان کا مقبول ترین کھیل ہے، سب لوگ اس کے بارے میں بات کرتے اور میمز بناتے ہیں تو اچھا لگتا ہے۔

امام الحق نے کہا کہ بابر اعظم کپتان سے زیادہ اچھے بیٹر ہیں جبکہ انہیں کمار سنگا کارا کا اسٹائل اور ویرات کوہلی کا ایگریشن پسند ہے۔ ویرات کوہلی سے اچھا پرفارم نہ بھی ہو رہا ہو تو وہ گراؤنڈ میں ایک فائٹر کے طور پر دکھائی دیتا ہے ۔

امام الحق نے کہا کہ حریف باؤلرز سے تو میچ پڑتا ہی ہے لیکن اس سے ہٹ کر شاداب اور حارث رؤف کے خلاف بیٹنگ کرنے کا مزہ آتا ہے، جب مواقع ملتے اور اعتماد دیا جاتا ہے تو پرفارمنس میں نکھار آتا ہے، کوشش کرتا ہوں کہ جو میچ گزر گیا، اسے بھول کر اگلے میچز پر فوکس کروں۔

یہ بھی پڑھیں : کرکٹ کے سپر ہیرو شاداب خان کا سپر ہیرو کون ہے ؟

متعلقہ خبریں