جی ٹی وی نیٹ ورک
بریکنگ نیوز

سگ گزیدگی سے متاثرہ لوگ رابطہ کریں، ان کا کیس لڑیں گے : حلیم عادل شیخ

سگ گزیدگی سے متاثرہ

کراچی : حلیم عادل شیخ کا کہنا ہے کہ پولیس کا سسٹم تباہ ہوگیا، سگ گزیدگی سے متاثرہ لوگ ہم سے رابطہ کریں، ہم ان کا کیس لڑیں گے۔

تحریک انصاف کے رہنماء اور سندھ اسمبلی میں قائد حزب اختلاف حلیم عادل شیخ نے عدالت میں پیشی کے موقع پر میڈیا سے بات چیت کرتے ہوئے کہا کہ پی ایس 88 الیکشن میں ووٹ کاسٹ کرنے گیا تھا، راستے پر مجھ پر حملہ کیا گیا۔ میری سیکیورٹی بھی واپس لے لی گئی ہے۔ مجھ پر حملہ ہوا اور مجھ پر ہی مقدمہ درج کیا گیا۔

انہوں نے کہا کہ پیپلز پارٹی سیاسی مخالفین کے لئے پولیس کی معاونت سے اے ٹی اے قانون کو بطور ہتھیار استعمال کررہی ہے۔ جسٹس آفتاب گورڑ کو جان سے مارنے کی دھمکیاں دی گئیں۔

یہ بھی پڑھیں : سگ گزیدگی واقعات پر فریال تالپور کی اسمبلی رکنیت معطل

ان کا کہنا تھا کہ عوام کی خدمت کرنا میرا کام ہے۔ ہر دوسرے دن عدالت میں ہوتا ہوں۔ کام کیسے کروں؟ سندھ میں پچیس لاکھ کتے ہیں۔ جسٹس آفتاب گورڑ کے فیصلے کے مطابق سگ گزیدگی سے متاثرہ پانچ لاکھ لوگوں کو معاوضہ دیا جائے۔ سگ گزیدگی سے متاثرہ لوگ ہم سے رابطہ کریں، ہم ان کا کیس لڑیں گے۔

حلیم عادل شیخ نے کہا کہ پولیس کا سسٹم تباہ ہوگیا ہے۔ پولیس کا ایس پی وہی بنتا ہے، جو پیسے دیتا ہے۔ آج سیاسی کارکن خطرے میں ہیں۔

قائد حزب اختلاف کا کہنا تھا کہ پی ڈی ایم ایک چیچھڑے پر ایک دوسرے کی پگڑیاں اچھال رہے ہیں۔ این اے 249 کی نشست تحریک انصاف کی ہے۔ ٹافیاں بانٹنے والوں کو ملیا میٹ کریں گے۔ ایم کیو ایم سے اتحاد ہے، لیکن جماعتی تشخص علیحدہ ہے۔

متعلقہ خبریں