اسلام آباد : وزیر اطلاعات نے عمران خان کے عدالت میں بیان کو شدید تنقید کا نشانہ بناتے ہوئے کہا کہ جوڈیشل کمپلیکس پر مسلح جتھوں سے حملہ آور ہونے کے بعد پنکی باجی ڈر گئی؟
وفاقی وزیر اطلاعات مریم اورنگزیب نے سماجی میڈیا پر جاری بیان میں کہا کہ دہشت گرد چھُپ کر ہی عدالت آتے ہیں، وقت دور نہیں منہ چھپا کر آنا پڑے گا۔
انہوں نے کہا کہ پولیس کے سر پھوڑنے، پیٹرول بم پھینکنے، جوڈیشل کمپلیکس پر مسلح جتھوں سے حملہ آور ہونے کے بعد بیوی تمہاری ڈر گئی؟ مریم نواز کے نیب سیل میں کیمرہ لگا کر اپنے موبائل پر دیکھتے تھے، اُس وقت شرم اور حیا تھی؟
یہ بھی پڑھیں : میری بیوی گھر پر اکیلی تھی، شیشے ٹوٹنے پر چیخیں ماریں : عمران خان کا عدالت میں بیان
ان کا کہنا تھا کہ مریم نواز کے بیڈروم میں رات کو گھسنے کا آرڈر دیتے شرم آتی تھی؟ شہباز شریف کی بیٹی کے گھر نیب کو حملہ کرنے کا حکم دیتے شرم آئی؟
وزیر اطلاعات نے کہا کہ فریال تالپور کو عید پر اسپتال سے گھسیٹ کر لاتے ہوئے اور مسجدِ نبوی اور لندن میں مجھ پر حملہ کراتے شرم آئی؟ پنکی باجی کو ہیرے، انگوٹھیاں لیتے ڈر لگا اور چیخیں نکلتی تھیں؟