جی ٹی وی نیٹ ورک
اہم خبریں

پرچم میں لپٹے کتے کو فائرنگ کر کے ہلاک کرنے والے دو افراد گرفتار

بنوں میں تحریک انصاف کے پرچم میں لپٹے کتے کو فائرنگ کر کے ہلاک کرنے والے دو افراد کو کے پی کے پولیس نے گرفتار کر لیا گیا۔

کمشنر بنوں محمد علی نے کتے کو فائرنگ کرنے والے دو افراد کے گرفتار ہونے کی تصدیق کرتے ہوئے بتایا کہ جانی خیل میں کتے کو ایک پارٹی کا جھنڈا پہنا کر گولیاں مار دی گئی تھی۔

خیبر پختونخوا پولیس کی جانب سے سوشل میڈیا پر جاری اپنے بیان میں بتایا گیا ہے کہ بنوں پولیس نے 12 گھنٹے کے اندر جانور کو تشدد کر کے ہلاک کرنے والے دو ملزمان کو گرفتار کیا۔

کے پی کے پولیس کی جانب سے ویڈیو سوشل میڈیا پر شیئر کرنے اور معاملے کو اجاگر کرنے والوں کا شکریہ بھی ادا کیا گیا۔

متعلقہ خبریں