جی ٹی وی نیٹ ورک
بریکنگ نیوز

راجکماری نے جعلی وزیر اعظم کی دم پر پاﺅں رکھ دیا : عظمیٰ بخاری

راجکماری نے جعلی

لاہور : عظمیٰ بخاری کا کہنا ہے کہ عمران خان نے سب سے بڑے ٹیکس چور وزیراعظم بننے کا کریڈٹ حاصل کرلیا، راجکماری نے جعلی وزیر اعظم کی دم پر پاﺅں رکھ دیا ہے۔

مسلم لیگ (ن) پنجاب کی ترجمان عظمیٰ بخاری نے فردوس عاشق کے بیان پر ردعمل میں کہا ہے کہ خادمہ جی، اگر پی ڈی ایم کا بیانیہ ناکام ہے، تو جعلی وزیر اعظم روزانہ ترجمانوں کے اجلاس کیوں بلاتا ہے؟

انہوں نے کہا کہ راجکماری نے جعلی وزیر اعظم کی دم پر پاﺅں رکھ دیا ہے، اس لیے آپ جیسے فصلی بٹیروں کی نیندیں حرام ہوئی ہیں۔

یہ بھی پڑھیں : مریم نواز نے کل الیکشن کمیشن نہیں، اپنے چچا پر کیچڑ اچھالا : فردوس عاشق اعوان

ان کا کہنا تھا کہ ہزاروں ایکڑ زرعی اراضی اور تین سو کنال کا محل رکھنے والا وزیراعظم کہتا ہے دو لاکھ تنخواہ میں میرا گزارہ نہیں ہوتا۔ عمران خان نے ملکی تاریخ کے سب سے بڑے ٹیکس چور وزیراعظم بننے کا کریڈٹ بھی حاصل کرلیا ہے۔

عظمیٰ بخاری نے کہا کہ عمران خان کے دو کتوں کا خراچہ اڑھائی لاکھ ماہانہ ہے، اس لیے صبح شام بیچارہ لنگر خانوں سے کھانا منگواتا ہے۔ چینی اور گندم کے ڈاکوں میں اربوں روپے حصہ وصول کرنے والے شخص کی حالت آج بھی قابل رحم ہے۔

عظمیٰ بخاری نے کہا کہ نیازی صاحب فکر نہ کریں آپ سے ایک ایک چوری اور ڈاکے کا حساب لیا جائے گا۔ شہزاد اکبر سے براڈ شیٹ کمیشن کا حساب بھی لیا جائے گا۔

متعلقہ خبریں