لاہور: تحریک انصاف کے رہنما و معروف گلوکار ابرارالحق نے پارٹی اور سیاست چھوڑنے کا اعلان کردیا۔
ابرار الحق کا پریس کانفرنس کرتے ہوئے کہنا تھا کہ میری پرورش ایسے گھرانے میں ہوئی جو سیاسی بھی تھا اور فوجی گھرانہ بھی تھا، اللہ نے جب مجھے شہرت دی تو پاکستان کے لیے کچھ کرنے کا جذبہ تھا، شہدا کے بچوں کے لیے ہمارے میڈیکل کالج میں تعلیم مفت ہے، میری عادت ہے کہ میں شہدا کی تصویر کی سلیوٹ کرتا ہوں، ہم سہارا میں ہر سال شہدا کی فیملیز کو بلاتے ہیں، مجھے شہرت یا عہدے کی کوئی لالچ نہیں۔
یہ بھی پڑھیں: جمال اکبر انصاری اور سیف اللہ نیازی کا بھی پی ٹی آئی چھوڑنے کا اعلان
ابرار الحق نے سیاست سے کنارہ کشی کا اعلان کیا اور نظم سناتے ہوئے آبدیدہ ہوگئے۔
انہوں نے کہا کہ عمران خان سے راہیں جدا کرلی ہیں، ندامت ہے عمران خان کے ساتھ کھڑا رہا، عمران خان نے پاکستانی فوج پر حملہ کرایا۔