کراچی : پیپلز پارٹی کے چیئرمین بلاول بھٹو زرداری نے ایک تقریب میں سیلاب متاثرین کے گھروں کی تعمیر کیلئے فنڈز کا اجراء کردیا۔
اس موقع پر وزیراعلیٰ سندھ سید مراد علی شاہ، صوبائی وزراء، چیف سیکریٹری سہیل راجپوت، چیئرمین پی اینڈ ڈی حسن نقوی، سی ای او ہاؤسنگ خالد محمود شیخ، ورلڈ بینک کے کنٹری ڈائریکٹر ناجی بن حسین موجود تھے۔
اس موقع پر وزیر بلدیات ناصر شاہ اور سیکریٹری بلدیات نجم شاہ نے پروجیکٹ کے حوالے سے چیئرمین کو بریف کیا۔ چیئرمین بلاول بھٹو نے کمپوٹر کا بٹن دبا کر گھروں کی تعمیر کیلئے فنڈز کا اجراء کردیا۔
یہ بھی پڑھیں : پولیس بھرتیوں میں صرف مقامی افراد کا حق ہے : وزیر اعلیٰ سندھ
وزیر اعلیٰ سندھ نے کہا کہ اجراء کے ساتھ فنڈز فوری طور پر شروعاتی آٹھ اضلاع میں منتقل ہوگئے۔ جہاں متاثرین فوری طور پر فنڈز بینک سے حاصل کر رہے ہیں۔ ان اضلاع میں لاڑکانہ، سکھر، دادو، حیدرآباد، ٹھٹہ، شہید بینظیرآباد، عمرکوٹ اور ٹنڈوالہیار شامل ہیں۔
مراد علی شاہ کا کہنا تھا کہ متاثرین کو ابھی سے 75 ہزار کی پہلی قسط جاری ہوگئی۔ سندھ میں تقریباً 21 لاکھ کچے اور پکے گھر سیلاب کے باعث بری طرح متاثر ہوئے ہیں۔
حکومت سندھ نے چیئرمین اور وزیر خارجہ بلاول بھٹو، وزیراعلیٰ سندھ مراد علی شاہ، ورلڈ بینک، ایشین بینک، یو این ڈی پی اور دیگر ڈونر ایجنسیز کی موجودگی پبلک پرائیویٹ پارٹنرشپ کے ساتھ سیلاب متاثرہ مکانات کی تعمیرات کے معاہدے پر دستخط کر دیئے۔