امریکی چیئرمین جوائنٹ چیفس آف اسٹاف کا کہنا ہے کہ یوکرین اپنے علاقوں سے ہر روسی فوج کو نکال باہر کرنے کے قابل نہیں ہوگا، روس فوجی طور پر یوکرین میں جنگ نہیں جیت سکتا۔
یوکرین کے صدر ولودی میرزیلنسکی اس خواہش کا اظہار کرچکے ہیں کہ ہر روسی فوجی یوکرین سے نکل جائے اور وہ ان علاقوں سے نکل جائے، جن پر روس نے قبضہ کر رکھا ہے کہ لیکن اس سال کے اوائل میں جنرل میلی نے کہا تھا کہ یہ ایک بہت، بہت مشکل کام ہوگا۔
امریکا کے چیئرمین جوائنٹ چیفس آف اسٹاف جنرل مارک میلی نے ورچوئل اجلاس کے بعد امریکی وزیر دفاع لائیڈ آسٹن کے ہمراہ گفتگو کرتے ہوئے کہ روس فوجی طور پر یوکرین میں جنگ نہیں جیت سکے گا۔
یہ بھی پڑھیں : پہلی فضائی ٹیکسی سروس کا آئندہ ماہ کراچی سے آغاز متوقع
انہوں نے یوکرین کو بھی خبردار کیا ہے کہ وہ اس سوچ سے باہرنکلے کہ وہ یوکرین کے علاقوں سے ہر روسی فوج کو نکال باہر کرنے کے قابل ہوگا۔ مستقبل قریب میں اس مقصد کو حاصل کرنا ایک چیلنج ہوگا۔
ان کا کہنا تھا کہ یوکرین میں لڑائی جاری رہے گی۔ یہ تنازع اور خونی ہونے جا رہا ہے۔ یہ مشکل ہے کہ کسی موقع پر دونوں فریق یا تو کسی تصفیے پر بات چیت کریں گے یا کسی فوجی نتیجے پر پہنچیں گے۔