اسلام آباد : وزیر مملکت کا کہنا ہے کہ ابتدائی معاہدہ طے پا چکا ہے، امید ہے کہ اپریل تک روسی تیل ملنا شروع ہو جائے گا۔
وزیر مملکت پیٹرولیم ڈاکٹر مصدق ملک نے سینیٹ اجلاس میں بتایا کہ روس کے ساتھ سستے تیل کی خریداری کے لئے مذاکرات 45 دنوں میں مکمل کئے، جس کے بعد دونوں ملکوں میں ابتدائی معاہدہ طے پا چکا ہے۔ تمام کمرشل تفصیلات مارچ سے پہلے طے پا جائیں گی۔
یہ بھی پڑھیں : کراچی الیکٹرک کو قانون کے دائرے میں لائیں گے : خرم دستگیر
انہوں نے کہا کہ روس نے پاکستان کو دوسروں ملکوں سے بھی زیادہ سستا تیل فراہم کرنے کی یقین دہانی کرائی ہے۔ امید ہے کہ اپریل تک روسی تیل ملنا شروع ہو جائے گا۔
ان کا کہنا تھا کہ عالمی پابندیوں کے باعث ایران سے براہ راست تیل و گیس نہیں خرید سکتے۔ بارڈر ٹریڈ کر سکتے ہیں۔ ایران ہمسایہ ملک ہے، جس کے ساتھ بارٹر ٹریڈ کو فروغ دیں گے۔