جی ٹی وی نیٹ ورک
کھیل

سرفراز احمد کو آخر کار ابوظبی کا ویزا مل گیا

سرفراز

پاکستان سپر لیگ کے لیے کوئٹہ گلیڈی ایٹرز کے کپتان سرفراز احمد کو ابوظبی کا وزٹ ویزا مل گیا۔

پاکستان کرکٹ بورڈ کے مطابق کمرشل پرواز سے متحدہ عرب امارات روانگی کی منظوری ملنے کے بعد پی ایس ایل 6 کے میڈیکل ایڈوائزری پینل کی مشاورت سے لاہور اور کراچی کے ہوٹلوں میں آئسولیشن میں موجود سرفراز احمد سمیت 13 کھلاڑیوں اور آفیشلز کو گھر بھیجنے کا فیصلہ کیا گیا۔

یہ بھی پڑھیں: پی ایس ایل 6؛ پاکستان میں موجود 25 کھلاڑی و اسٹاف کو ابتک ویزے نہ مل سکے

پی سی بی کا کہنا ہے کہ اب ویزے جاری ہونے کے بعد ان کو پی سی آر ٹیسٹ کرانے کے بعد پہلی دستیاب فلائٹ سے ابوظبی روانہ کیا جائے گا۔

پی ایس ایل 6 کے سربراہ بابر حامد کا کہنا ہے کہ کھلاڑیوں اور آفیشلز کو تکلیف کا سامنا کرنا پڑا ہے جس پر افسوس ہے ، غیر معمولی حالات میں غیر متوقع چیلنجز کے سبب کھلاڑیوں اور آفیشلز کو یہ پریشانی ہوئی۔

متعلقہ خبریں