جی ٹی وی نیٹ ورک
کھیل

ٹی ٹوئنٹی رینکنگ جاری، بابر اعظم کی ترقی

بابر اعظم رینکنگ

دبئی: انٹرنیشنل کرکٹ کونسل (آئی سی سی) نے تازہ ترین ٹی ٹوئنٹی رینکنگ جاری کردی۔

پاکستانی کپتان بابر اعظم ایک درجہ ترقی پا کر دوسرے نمبر پرپہنچ گئے، انگلینڈ کے ڈیوڈ ملان پہلے جبکہ آسٹریلیا کے ایرون فنچ تیسرے نمبر پر ہیں۔

آئی سی سی ٹی ٹوئنٹی رینکنگ میں پاکستانی کپتان بابر اعظم دوسرے نمبر پر آ گئے، ان کے پوائنٹس کی تعداد 844 ہوگئی، انگلینڈ کے ڈیوڈ ملان 892 پوائنٹس کے ساتھ پہلے نمبر پر موجود ہیں۔

آسڑیلوی کپتان ایرون فنچ ایک درجے تنزلی کے بعد تیسرے نمبر پر چلے گئے، نیوزی لینڈ کے ڈیون کونوے کا چوتھا اور بھارتی کپتان ویرات کوہلی کا رینکنگ میں پانچواں نمبر ہے۔

یہ بھی پڑھیں: آئی سی سی ورلڈکپ ون ڈے سپرلیگ، بھارت پاکستان سے پیچھے

بولنگ میں جنوبی افریقا کے تبریز شمسی پہلے ، افغانستان کے راشد خان دوسرے جبکہ آسٹریلیا کے آشٹن اگیر تیسرے نمبرپر ہیں۔

پاکستان کے شاہین شاہ آفریدی 11 ویں نمبر موجود ہیں ، آل راونڈرز میں افغانستان کے محمد نبی پہلے نمبر پر ہیں۔

متعلقہ خبریں