جی ٹی وی نیٹ ورک
ٹیکنالوجی

نیٹ فلکس کی صارفین کیلئے اہم فیچر کی آزمائش

فیچر

مقبول ترین آن لائن اسٹریمنگ سائٹ نیٹ فلکس پر ایک اہم فیچر کی آزمائش کی جا رہی ہے جس کا نام ‘سلیپ ٹائمر’ ہوگا۔

غیر ملکی خبر رساں ادارے کے مطابق آن لائن اسٹریمنگ سائٹ نیٹ فلکس دنیا بھر میں اینڈرائیڈ صارفین کے لیے ایک اہم فیچر کی آزمائش کر رہا ہے جس کے تحت صارفین اپنا سلیپ ٹائم سیٹ کر سکیں گے۔

اس نئے فیچر کے تحت صارفین نیٹ فلکس پر 15، 30، 45 منٹ اور جب تک آپ کا شو ختم نہیں ہو جاتا، اس حد تک ٹائم سیٹ کر سکیں گے اور ٹائم کی مدت جیسے ہی ختم ہو جائے گی تو نیٹ فلکس خود بخود بند ہو جائے گا۔

یہ بھی پڑھیں: نیٹ فلکس دیکھیں، پیزا کھائیں اور 500 ڈالر کمائیں

جب صارفین نیٹ فلکس پر کوئی بھی شو دیکھ رہے ہوں گے تو اسکرین پر دائیں ہاتھ کی طرف بالکل اوپر ‘ٹائمر’ بٹن ظر آئے گا اور آپ اپنی مرضی کے مطابق اسے سیٹ کر سکیں گے۔

کمپنی کے مطابق یہ فیچر ایسے لوگوں کے لیے بہترین ثابت ہو گا جو نیٹ فلکس پر شو ختم ہونے کے بعد نیٹ فلکس بند کیے بغیر ہی سو جاتے ہیں۔

متعلقہ خبریں