جی ٹی وی نیٹ ورک
دلچسپ و عجیب

پائلٹ نے طیارہ اصل ایئرپورٹ سے 15 کلومیٹر دور زیر تعمیر ہوائی اڈے پر اتار دیا

ایئرپورٹ

غلطی سے مال بردار طیارہ اصل ایئرپورٹ سے کچھ دوری پر زیر تعمیر اور غیر فعال ہوائی اڈے پر اتار دیا جب کہ کنٹرول ٹاور سے بار بار یہی پوچھا جاتا رہا کہ آپ کہاں ہیں اور ہمیں نظر کیوں نہیں آرہے ہیں

زیمبیا کے ایک ایئرپورٹ پر اُس وقت دلچسپ صورت حال پیدا ہوگئی جب ایتھوپیئن ایئر لائنز کا کارگو طیارہ ایک ایسے ایئرپورٹ پر اتر گیا جو ابھی زیر تعمیر تھا اور ابھی تک وہاں فضائی آپریشن شروع نہیں ہوا تھا۔

مال بردار طیارے کا پائلٹ مسلسل ایئر ٹریفک کنٹرول سے رابطے میں رہا اور اپنی لوکیشن بتاتے ہوئے لینڈنگ کی اجازت مانگتا رہا جب کہ کنٹرول ٹاور سے یہی پوچھا جاتا رہا کہ آپ کہاں ہیں اور ہمیں نظر کیوں نہیں آرہے ہیں۔

یہ بھی پڑ ھیں:پشاور ایئرپورٹ پر جعلی کورونا سرٹیفکیٹ رکھنے والے 9 مسافر گرفتار

کنٹرول ٹاور کو طیارہ نظر بھی کیسے آتا کیوں کہ جس رن وے پر لینڈنگ کرنا تھی اس کے بجائے پائلٹ 15 کلومیٹر دور زیر تعمیر ایئرپورٹ کے اوپر چکر لگا رہا تھا اور وہیں کسی طرح طیارہ اتار بھی دیا۔

طیارہ جس ایئرپورٹ پر اترا اس کا افتتاح گزشتہ برس ہونا تھا لیکن کورونا کے باعث ایسا نہ ہو سکا اور تمام پروازیں دوسرے ہوائی اڈے پر اتاری جاتی رہیں۔

خوش قسمتی سے اس واقعے میں کوئی نقصان نہیں ہوا تاہم واقعے کی تحقیقات کے لیے انکوائری کمیٹی تشکیل دیدی گئی ہے۔

 

متعلقہ خبریں