بالی ووڈ ’کنگ خان‘ شاہ رخ خان کے مداح بڑی تعداد میں ان کی رہائش گاہ کے باہر جمع ہوگئے، جہاں اداکار نے دو سال بعد اپنے پرستاروں کو اپنی جھلک دکھائی۔
واضح رہے کہ عالمی وباء کورونا وائرس کے باعث پچھلے دو سال سے شاہ رخ خان اپنے مداحوں کے لیے اپنے گھر کی بالکونی میں نہیں آرہے تھے۔
بالی ووڈ اسٹار شاہ رخ خان کے پرستار عیدالفطر کے موقع پر ان کی ایک جھلک دیکھنے کے لیے ممبئی میں ان کی گھر ’منت‘ کے باہر پہنچے۔
اداکار کی جانب سے منظر عام پر آنے کا کوئی واضح اشارہ نہیں دیا گیا، پھر بھی مداح ان کی رہائش گاہ کے باہر جمع ہوگئے۔
How lovely to meet you all on Eid…. May Allah bless you with love happiness and may the best of your past be the worst of your future. Eid Mubarak!! pic.twitter.com/zsxyB783gR
— Shah Rukh Khan (@iamsrk) May 3, 2022
اداکار شاہ رخ خان کے پرستاروں نے ہاتھوں میں پلے کارڈز اٹھا رکھے تھے جن پر شاہ رخ خان سے محبت کے اظہار کے الفاظ درج تھے جبکہ بعض ’ہمیں شاہ رخ سے پیار ہے‘ کے نعرے بھی لگارہے تھے۔
مجمع میں اضافے کے بعد باعث ٹریفک کی روانی بھی متاثر ہوئی۔
شاہ رخ خان نے سماجی رابطے کی ویب سائٹ ٹوئٹر پر اپنی دو سیلفیز شیئر کیں، جس کے ساتھ تحریر کیا کہ عید پر آپ لوگوں سے ملنا بہت اچھا لگا، انہوں عید کی مبارک باد بھی دی نیک خواہشات کا اظہار کیا۔
یہ پڑھیں :بابر اعظم ، فخر زمان کا معروف یوٹیوبر نادر علی کے ساتھ عمرہ