جی ٹی وی نیٹ ورک
کھیل

ہاکی ایشیا کپ میں سنسنی خیز مقابلہ : پاکستان نے بھارت کو جیت سے محروم کردیا

ہاکی ایشیا کپ پاکستان نے بھارت

ہاکی ایشیا کپ 2022 کے بڑے میچ میں پاکستان نے آخری منٹ میں گول کرکے بھارت کو یقینی جیت سے محروم کردیا۔

دونوں ٹیموں کے درمیان گروپ کا یہ اہم ترین میچ 1-1 سے برابر ہوگیا۔

روایتی حریفوں کے درمیان یہ مقابلہ امید کے مطابق دلچسپ رہا، بھارت نے پورے میچ میں اپنی گرفت برقرار رکھی جبکہ پہلے کوارٹر اور میچ کے نویں منٹ میں ہی ایک گول کی برتری بھی حاصل کرلی۔

بھارت کی جانب سے یہ گول ڈیبیو کرنے والے کارتی سلوام نے کیا تھا۔

پاکستان نے اسکور کو برابر کرنے جبکہ بھارت نے اپنی برتری کو دُگنا کرنے کی بھرپور کوششیں کیں۔

تاہم پاکستان کو میچ کے آخری منٹ میں پنالٹی کارنر ملا جس کا قومی کھلاڑی عبدالرانا نے بھرپور فائدہ اٹھاتے ہوئے گیند کو جال کی راہ دکھادی۔

یوں پاکستان نے نہ صرف آخری لمحے میں بھارت کو یقینی جیت سے محروم کردیا بلکہ میچ ڈرا کرکے پوائنٹس ٹیبل پر دو اہم پوائنٹس بھی حاصل کرلیے۔

قومی ٹیم ایونٹ میں اپنا دوسرا میچ کل میزبان انڈونیشیا کے خلاف کھیلے گی۔

یہ بھی پڑھیں : سابق بھارتی کرکٹر وریندر سہواگ نے شعیب اختر کے بولنگ ایکشن کو غیر قانونی قرار دے دیا

متعلقہ خبریں