آٹا، میدہ، سوجی سمیت گندم کی دیگر مصنوعات کی برآمد پر پابندی

 اسلام آباد: وفاقی حکومت نے آٹے، میدے اور سوجی سمیت گندم کی دیگرمصنوعات کی برآمد پر پابندی عائدکر دی ہے۔

وزارت تجارت کی جانب سے گزشتہ روز(جمعہ)باضابطہ طورپرنوٹیفکیشن ء جاری کردیا ہے، جس کے ذریعے ایکسپورٹ پالیسی آرڈر میں ترامیم کردی گئی ہیں ۔

ترمیمی نوٹیفکیشن میں بتایا گیا ہے کہ فائن آٹا، میدہ اور سوجی سمیت گندم کی دیگر مصنوعات کی برآمد پر پابندی عائدکردی گئی ہے۔

عالمی بینک پاکستان کو 78 کروڑ 70 لاکھ ڈالر دے گا

رابطہ کرنے پر وزارت تجارت حکام نے بتایاکہ ملک میں آٹے وگندم کی دیگر مصنوعات کی قیمتوں کو معمول پر رکھنے کیلئے اور اشیاء کی دستیابی کو یقینی بنانے کیلئے اقدام اٹھایاگیا ہے اوراس کی ای سی سی کی جانب سے پہلے ہی منظوری دی جا چکی ہے۔