شوہر میں بھوت نظر آنے کی وجہ سے بیوی کا طلاق کا مطالبہ

مدھیا پردیش: بھارتی ریاست مدھیا پردیش کی ایک فیملی کورٹ میں ایک عجیب و غریب کیس سنایا گیا، جس میں ایک خاتون نے طلاق کی درخواست میں لکھا کہ اسے اپنے شوہر میں بھوت دکھائی دیتا ہے۔

گوالیر کی فیملی کورٹ میں خاتون کا کہنا ہے کہ جب بھی اس کا شوہر کمرے میں داخل ہوتا ہے تو اسے بھوت نظر آتا ہے۔

خاتون کے مطابق اسے خدشہ ہے کہ بھوت اسے قتل کر دے گا اس لیے وہ اپنے شوہر سے طلاق لینا چاہتی ہے۔

یہ بھی پڑھیں: خطرناک مگرمچھ کی گردن میں پھنسے ٹائر کو نکالنے والے کو انعام

رپورٹس کے مطابق اس جوڑے کی شادی 2018 میں ہوئی تھی، بیوی نے جب سے یہ بات شوہر کو بتائی ہے تو دونوں کے درمیان جھگڑے ہونے لگے، اس لیے وہ اپنے شوہر کے ساتھ نہیں رہ سکتی۔

یہ بھی پڑھیں: بھارتی شخص نے لکڑی کے مجسمے سے شادی کرلی

بیوی نے طلاق کی درخواست کے ساتھ شوہر سے ہرجانہ بھی مانگا ہے اور اس کے لیے اس نے الگ کیس دائر کیا ہے۔

تاہم، ابھی اس کیس کی سماعت کا سلسلہ جاری ہے اور کوئی بھی فیصلہ نہیں ہوا ہے۔