جی ٹی وی نیٹ ورک
کھیل

کل ٹیسٹ میچ ہوگا یا نہیں؟، انگلش کرکٹ بورڈ کا بیان سامنے آگیا

انگلینڈ

راولپنڈی: انگلش کرکٹ بورڈ کا کہنا ہے کہ انگلینڈ کے کھلاڑیوں میں کورونا کی علامات ظاہر نہیں ہوئیں اور کھلاڑی کل راولپنڈی ٹیسٹ کھیلنے کے لیے تیار ہیں۔

ای سی بی کے ترجمان نے کہا کہ میڈیکل پینل کھلاڑیوں کا معائنہ کر رہا ہے، کھلاڑیوں کی صحت معمول کے مطابق ہے، آرام کی غرض سے اسٹیڈیم نہیں آئے۔

یہ بھی پڑھیں: انگلش کھلاڑیوں کی طبیعت ناساز، پاکستان اور انگلینڈ کا پہلا ٹیسٹ ملتوی ہونے کا امکان

ترجمان ای سی بی کا مزید کہنا ہے کہ کھلاڑیوں کو وائرل انفیکشن ہوا ہے جو معمول کی بات ہے۔

دوسری جانب پاکستان کرکٹ بورڈ کی جانب ایک بیان جاری کیا گیا ہے جس کے مطابق انگلش کھلاڑیوں کے انفیکشن میں مبتلا ہونے کے بعد پنڈی ٹیسٹ شروع کرنے کے حوالے سے انگلش بورڈ کے ساتھ رابطے میں ہیں۔

پاکستان کرکٹ بورڈ کا کہنا ہے کہ ہم صورتحال کو مانیٹر کر رہے ہیں، پی سی بی معاملے پر جلد اپ ڈیٹ جاری کر دے گا۔

متعلقہ خبریں