نگراں وزیر داخلہ سندھ بریگیڈیر (ر) حارث نواز نے جی ٹی وی نیوز سے خصوصی گفتگو کرتے ہوئے دعویٰ کیا کہ کراچی سے 2 ہفتے میں جرائم ختم کردیں گے۔
نگراں وزیر داخلہ سندھ کا کہنا تھا کہ کراچی کے حالات کو ٹھیک کریں گے، عوام جلد کراچی کے حالات بدلتے ہوئے دیکھے گی۔
انہوں نے بتایا کہ پولیس کے جوان ہر اسٹاپ پر موجود ہوں گے، اب کوئی بھی واردات نہیں کر پائے گا۔
یہ بھی پڑھیں کراچی میں اسٹریٹ کرائم کا نیا ریکارڈ قائم ، صرف 8 ماہ میں57 ہزار زائد وارداتیں
بریگیڈیر (ر) حارث نواز نے جی ٹی وی نیوز کو بتایا کہ کچے میں جو مسائل ہیں وہاںبھی آپریشن کریں گے۔ ہم آپریشن کرنے جارہے ہیں آپ کو فرق نظر آئے گا۔
نگراں وزیر داخلہ سندھ نے کہا کہ جدید اسلحے سے کچے کے ڈاکوؤں کا بھی خاتمہ کریں گے۔ جدید اسلحے کی سمری ارسال کر دی۔ کوئی بھی قاتل ہو اس کو ہم نہیں چھوڑینگے۔